احيانا بنكون متمسكين بثوابت ومش عارفين نتخلص منها...واحيانا بنكون مش عايزين نتخلص منها اساسا...واحيانا اكتر بنروح للثوابت فيها عشان نمسك فيها وتكون حجتنا في حالة اي حاجة غلط تحصل ....ولما حد يسألنا نقوله ارجع للعادات والتقاليد والامثال وانت تعرف السبب
بدأت بالمقدمة الفلسفية دي عشان اوضح حاجة بس...اننا ممكن جدا نكسر الثوابت دي لو عايزين...وان مفيش حاجة ثابتة في الدنيا غير كلام ربنا واحكام ربنا وتشريعاته بس...واي حاجة تانية قابلة للتغير...واللي اثبتلنا دا مجموعة طلبة اعمارهم متتجاوزش العشرين ربيعا ومع كدا صححوا المقولة اللي بتقول المركب اللي فيها ريسين تغرق...وخلوها المركب اللي فيها ستة متغرقش....وهي دي حكاية الستة بتوع صيدلة
الستة بتوع صيدلة هما ناس متفردين بنوعهم وكيانهم...لما تقرأ المدونة ليهم تحس ان المدونة بتاعت شخص اسمه الستة بتوع صيدلة...مش لست شخصيات ....تحس ان كتابتهم واحدة وتفكيرهم واحد مع ان ارائهم مختلفة مع بعض لكن الاختلاف في الرأي دا عامل ليهم نجاح عالي اوي لدرجة اني اتمنى انهم يكونوا مختلفين على طول الخط عشان استمتع بنجاح اكتر واكتر.
الستة بتوع صيدلة على اختلاف صفاتهم وارائهم وطباعهم...ولكن يجمعهم حب خاص ما بينهم تلاقيه مكتوب في كتابتهم وتلاقيه متجسد في مركب ورق في البحر ...وكمان بيجمعهم عوامل مشتركة كبير ...كلية واحد ومدينة واحدة وقلوب واحدة واهالي واحدة اكيد وبيكونوا متجمعين على هدف واحد وحلم واحد وفرحة واحدة كل حد فيهم لنجاح عملته المدونة او لنجاح عمله اي فرد فيهم
ونجاح الفريق في عمل شيء معين حاجة مش سهلة وخصوصا لما يكون الشيء دا سهل حدوثه لوحدك...فممكن جدا تلاقي الغيرة والنفسنة ومحاولة فرض الرأي ومحاولة كل واحد فيهم ينسب الشغل كله لوحده...لكن بنجاح الستة بتوع صيدلة في عمل مدونة واحدة ادونا درس مهم جدا في كيفية نجاح عمل جماعي وادارته بأقتدار
سنة كاملة شفنا فيها خفة دم ملهاش حل...وشفنا فيها تصميمات اكتر من رائعة للبلوج ...وشفنا فيها فرحة وانكسار. وصور وتوبيكات رائعة ..وحاجات كتير حلوة...بحب بجد اشكر المدونة دي وابطالها عشان الحاجات اللي قدموهالنا والكلام الجميل اللي كانوا بيكتبوه....وكل سنة وهما طيبين
بس لازم ينتبهوا ان الوصول للقمة دا شيء صعب جدا والحفاظ على القمة اصعب بكتير...ودا مش كلام شعارات واكلاشيهات محفوظة بتتكتب...لكن دا الواقع فعلا اللي اكيد الكل عارفه...فياريت تحافظوا على نفس المستوى الرائع للبلوج ونشوف تطور اكتر واكتر مع تمنياتي لكم بالمزيد من التوفيق والنجاح
ملحوظة هامة جدا جدا
كتير اوي من اللي هيقرأوا البوست دا هيقول اني بجامل حد معين او اني اعرفهم او اني بعمل دعاية للمدونة ....احب بس اقول حاجة اخيرة اني معرفش اي حد فيهم تماما تماما...ولا بصفة شخصية ولا بصفة نتية كمان...والاكتر كمان اني حتى معرفش اسم حد فيهم...وللامانة بس انا اعرف واحدة عن طريق حد قريب ليا...بس الواحدة دي انا برضه معرفش اسمها ومعرفش النك نيم ليها... حبيت اقول الكلمتين دول لاننا اتعودنا دايما ان لما حد بيشيد بحد بيكون يا على اساس المجاملة او على اساس النفاق...واخر حاجة نفكر فيها هل الحد دا يستاهل اننا نشيد بيه ولا لا....دا للعلم بس
21 comments:
والله على اد ما كلام حضرتك جميل على اد مالواحد اتحرج..و على أد ما كلام حضرتك يفرح على أد ما كلامك يخوّف
انا بجد مش عارفة اقول لحضرتك ايه كرد على لاكلام الجميل ده غير "ربنا يخليك" و يمكن كلامك ده من احسن الهدايا اللى جت للبلوج فى عيد ميلاده
ربنا يخليك كمان مرة..و ماتطولش الغياب كده تانى
تحياتى
لما حد بيعمل حاجة حلوة في الزمن دا لازم نديله حقه ونشيد بيه ونشجعه وبجد انتوا عملتوا حاجات حلوة كتير ودي اقل حاجة اقدمها
==================
بالنسبة للغياب انا مشكلتي في الكلية بتاعتي اني مش عارف اكون فاضي بجد وريبورتات وسيرشات فبجد اسف جدا
==========
بجد مفيش كلام ممكن نشكر بيه حضرتك على البوست ده
انا قريته امبارح
بس قلتلهم مفيش كلام ممكن نشكره بيه
كنت بحاول اظبط حاجة كبيرة نقولها
بس مفيش غير شكرا
هو مين اللي يقول للتاني شكرا؟؟؟
انا في حاجة عجبتني فكان لازم اكتب عنها ...وانتم بجد عملتوا حاجات كويسة اوي...فلازم انا اللي اقولكم شكرا على كل التعب اللي عملتوه من غير اي مقابل...والموضوع دا حاجة بسيطة جدا اصاد اللي عملتوه...
شكرا دي تقولوها لنفسكم...وتسقفوا لنفسكم على المجهود دا...ويكون دافع ليكم عشان تفضلوا بنفس المستوى واحسن
================
ونورتي البلوج
واحد بواحدة بأى ;)
هو مين اللي يقول للتاني شكرا؟؟؟
انا في حاجة عجبتني فكان لازم اكتب عنها ...وانتم بجد عملتوا حاجات كويسة اوي...فلازم انا اللي اقولكم شكرا على كل التعب اللي عملتوه من غير اي مقابل...والموضوع دا حاجة بسيطة جدا اصاد اللي عملتوه...
شكرا دي تقولوها لنفسكم...وتسقفوا لنفسكم على المجهود دا...ويكون دافع ليكم عشان تفضلوا بنفس المستوى واحسن
================
ونورتي البلوج
واحد بواحدة بأى ;)
هو مين اللي يقول للتاني شكرا؟؟؟
انا في حاجة عجبتني فكان لازم اكتب عنها ...وانتم بجد عملتوا حاجات كويسة اوي...فلازم انا اللي اقولكم شكرا على كل التعب اللي عملتوه من غير اي مقابل...والموضوع دا حاجة بسيطة جدا اصاد اللي عملتوه...
شكرا دي تقولوها لنفسكم...وتسقفوا لنفسكم على المجهود دا...ويكون دافع ليكم عشان تفضلوا بنفس المستوى واحسن
================
ونورتي البلوج
واحد بواحدة بأى ;)
كل الردود دى عشان انا نورت البلوج
:D
كمش عارف الماوس عمل كدا ليه معايا
انا ضغط مرة واحد لقيته بيعمل مرتين لوحده
==================
بس ممكن يكون هو دا السبب فعلا :D
الواحد مش عارف يقول ايه انت حد كويس اوى يامحمد وتساهل كل خير وعنى انك تشجع حد غيرك على كتباه حلوه ده فى حد ذاته حاجه كويسه جداااااااااا
وانا بحييك عليها
نونااااااا
شكرا يا نونا لكلامك
وربنا يكرمك انتي كمان في عالم المدونات وفي الامتحانات كمان
ههههههههههههههه ياعم محمد الظاهر إنت إنته رجل مفكر وهتزعلنى منك .ربنا بيقول لو كان فيهما ألهه غير الله لفسدتا ومن ذلك نستدل عل أن المركب اللى فيها إتنين هتغرق مش سته .يعنى السموات لو فيها أله أخرى غير الله لوقعت وفسدت وهلك الكون وسيادتك بتقول المركب اللى فيها سته ماتغرقش .لو طب لو واحد صمم عل رأيه وواحد صمم عل رأيه وواحد صمم عل رأيه إيه الحل ياسى محمد مش هتغرق برده هههههههه .والعجيب إن البنات الأمامير كل واحده أخره تقشر بصله وتقعد جنب أمها تقشر توم وتطبخ سبانخ وتقوووول مييييييييييييييييرسى أوى أوى يامحمد .والأبلاوات مش عارفه حاجه زى الأبله نونااااااا وياسلام لو كانت من شبرا ههههههههههههه.
بص يا باشا ...انا بتكلم على مركب في بحر والمركب في البحر ليها ريس واحد ....ودا مثل معروف....ولو المركب دا بأى فيه ستة ...المفروض ان كل واحد ليه رأيه يعمل ايه في المركب وفي النهاية اختلاف الاراء بيتحول لخلاف بيتحول الى ان المركب ممكن يحصله حاجة ويغرق لانه مرسيش على حاجة... هما فيهم اختلاف في اراء ممكن لكن برضه زي ما انت شايف ان المدونة بتاعتهم ناجحة جدا جدا جدا...وشوف كم واحد بيزورهم وشوف اقل موضوع بيحطوه كام تعليق بيتحطلهم...مش عارف ايه دخل السماوات والارض بكل الكلام اللي بقوله...انا بقول مثل...ومينفعش اننا ندخل اسم الله في اي مثل كدا ....
========
بالنسبة للبنات فأنا عايز اسألك سؤال...انت تعرف حد فيهم بصورة شخصية؟؟...كلمت مع حد قبل كدا ؟؟...امال عرفت منين انهم امامير وبيقشروا بصل وبيقولوا مرسي...وحتى لو بيقشروا بصل وبيساعدوا امهاتهم....هو دا بأى عيب في الايام دي ولا ايه؟؟؟...يا باشا دول ناس محترمة في كلية محترمة وعاملين مدونة محترمة ....والواحد لازم يشجع الناس اللي زي دول عشان يستمروا على نجاحهم ...كونك شايف ان مساعدتهم لامهاتهم في البيت عيب...فهقولك ارجع لكتاب ربنا وهو بيحثنا اننا نعمل كل حاجة لوالدينا مش مجرد بصل وسبانخ
بص يا باشا ...انا بتكلم على مركب في بحر والمركب في البحر ليها ريس واحد ....ودا مثل معروف....ولو المركب دا بأى فيه ستة ...المفروض ان كل واحد ليه رأيه يعمل ايه في المركب وفي النهاية اختلاف الاراء بيتحول لخلاف بيتحول الى ان المركب ممكن يحصله حاجة ويغرق لانه مرسيش على حاجة... هما فيهم اختلاف في اراء ممكن لكن برضه زي ما انت شايف ان المدونة بتاعتهم ناجحة جدا جدا جدا...وشوف كم واحد بيزورهم وشوف اقل موضوع بيحطوه كام تعليق بيتحطلهم...مش عارف ايه دخل السماوات والارض بكل الكلام اللي بقوله...انا بقول مثل...ومينفعش اننا ندخل اسم الله في اي مثل كدا ....
========
بالنسبة للبنات فأنا عايز اسألك سؤال...انت تعرف حد فيهم بصورة شخصية؟؟...كلمت مع حد قبل كدا ؟؟...امال عرفت منين انهم امامير وبيقشروا بصل وبيقولوا مرسي...وحتى لو بيقشروا بصل وبيساعدوا امهاتهم....هو دا بأى عيب في الايام دي ولا ايه؟؟؟...يا باشا دول ناس محترمة في كلية محترمة وعاملين مدونة محترمة ....والواحد لازم يشجع الناس اللي زي دول عشان يستمروا على نجاحهم ...كونك شايف ان مساعدتهم لامهاتهم في البيت عيب...فهقولك ارجع لكتاب ربنا وهو بيحثنا اننا نعمل كل حاجة لوالدينا مش مجرد بصل وسبانخ
ياعم محمد خلينى مع دكاتره الألسن علشان لو فضيتلك هتبقى مشكله وطحن وكفايه عليه كليه الساقطات والتعليق فعلشان كده مش فاضيلك وعاوزك تشيل صوره البنت العريانه اللى إنتى حططتها فى المقدمه وبعدين الصوره دى إنتى صورتها منين بالضبط والبنت اللى بترقص منين برده؟
ماشي يا باشا....بس انا مش فاهم صور ايه وبنات ايه؟...
==============
بس حبيت افهمك ان مينفعش تغلط في حد متعرفوش وتتكلم عليه بالاسلوب دا...هما ناس محترمة وربنا يوفقهم في حياتهم...ملهاش لازمة بأى التلاقيح في الكلام دي...ولا انت شايف غير كدا؟؟
تحياتي :)
لالالالالالالالالالالالالا بأسلوبك ده معايه هتخلينى أقرأالمقال تانى كويس وهظبطك فبلاش وهقرأتعليقات البنات واحدة واحده وهتسمع التعليقات بجد فبلاش ياروح قلبى
على فكرة مش فاهمك
طول عمرك مش هتفهم
متشكرين يا عم
=========
بس انت داخل متخفي ليه...متكتب اسمك ومدونتك واتكلم براحتك....عامة الف شكر
ماشى معاك عدوله elmsry_200
لا تعجب يا عزيزي مما يتم ردمه في عقولنا من موروثات تقلل من أهمية العمل الجماعي ، فنحن أمة عشنا على مدى تاريخنا الطويل جداً على الفرد الملهم في أوساط السياسة والفن والأدب والفكر .. والأثر الوحيد في تراثنا على العمل الجماعي هو عصابة "الأربعين حرامي"..
في أي فيلم أو مسلسل لديك البطل الذي يباع الفيلم على اسمه ، وفي أي جريدة يوجد رئيس التحرير الذي يمسخ شخصيات المحررين الذين يعملون تحت إمرته .. وحتى أدعياء الفكر الإسلامي الذين يدعون أنهم منقذونا من التخلف أصبحوا يعيشون دور "سعد الدالي" و يصرون على القيام بكل الأدوار ، العالم والمجتهد والفقيه والفيلسوف والواعظ والمصلح الاجتماعي في حين يرفضون الاجتهاد الجماعي رغم أن زمن القيام بكل الأدوار انتهى..
في أي بحث في الجامعة يسند لفريق نجد فريقاً تكون داخل الفريق وفريقاً تكون داخل الفريق المكون داخل الفريق.. لينتهي الأمر إلى شبه عمل شللي يفقد العمل الجماعي كل مميزاته ونقاط قوته..
كل هذه أمثلة تبدو متناثرة وغير ذات صلة ببعضها البعض ، هكذا تبدو من الخارج ، ولكن ما يجمع بينها شيء واحد ، ثقافة لفظ وكراهية العمل الجماعي بكافة أشكاله ، وهي ثقافة تكفي وحدها لإعادتنا إلى الوراء قرنين على الأقل..
Post a Comment