كلها ايام

اعلان قرعة دور التمانية لكأس افريقيا ووقوع الاهلي والزمالك في مجموعة واحدة....انتاب جمهور الاهلي اللي انا منهم فرحة كبيرة اوي بوقوع الزمالك معانا...لأ وايه...وكمان هنلاعبهم اول ماتش...الفرحة كانت غير طبيعية بين كل جماهير الاهلي...حتى ان احد الظرفاء تمنى لو الزمالك يلعب بأسم الفريقين التانيين كمان ...عشان حياتنا كلها تكون زمالك

الفرصة دلوقتي متاحة للاعيبة الاهلي انهم ينهوا الاسطورة الكاذبة اللي اسمها القطب التاني في مصر...وفي ناس انتقدتني جامد جدا عشان انا بقول ان مصر مفيهاش غير قطب واحد وحزب واحد ....والكل كان مصمم يدخل اسم الزمالك على انه قطب تاني...زي اللي عايز يدخل حزب التجمع على انه حزب منافس للوطني

احب بس اقول لحبايبي الحلوين كلها ايام وساعات ونرجع لعلق زمان تاني والضرب اللي كان من غير شتيمة...كلها ايام وهنلاعب الزمالك خمس مرات ورا بعض...وبيهم ننهى تماما على كلمة الزمالك

واحب اقول لممدوح عباس رئيس الزمالك اللي قال ان احسن تلات فرق في افريقيا هما اسيك والزمالك وانيمبا...وتجاهل الاهلي تماما... ان غيرك زمان كان بيقول الاهلي فريق حظ والاهلي فريق اعلام والزمالك احسن نادي في افريقيا بل احسن نادي في مصر كمان...وشوف هما فين دلوقتي...دور على اخواتك مرتضى منصور او احمد رمزي او فاروق جعفر...ومتستعجلش على رزقك ...صدقني كلها ايام

وجاني اللي بحبه جاني....والفضايح راجعة تاني